يامه القمر ع الباب
جايب معاه عسكر
يامه أرد الباب
يجينى م المنور
يامه القمر سعران
فاتح لي أنيابه
جايب معاه فرمان
إني أرضى بجنابه
يامه القمر مجنون
زارع سمايا عيون
زارع حيطاني سجون
والذل في أعتابه
يامه القمر ع الباب
خبط وقال يا كلاب
أنا القمر قمور
آمر أمير مأمور
يامه القمر ع الباب
ساحب دلاديله
يقبض على الأصحاب
ويهز لي في ديله
يامه القمر ع الباب
يامه ده هد الباب
ماعادش فيها كسوف
ولا ينفع المعروف
يامه القمر كداب
طالع في ليلة خوف
ماعادش فيها رجال
ولا حتى فيها عيال
يبدلوا المكتوب
أو يرجموه بالطوب
يامه القمر ع الباب
يامه القمر ع الباب
يامه القمر ع ال.......